“ჩრდილოეთის ნაკადის“ გაზსადენებზე მომხდარი გაჟონვის ფაქტზე მიმდინარე გამოძიებასთან დაკავშირებით, რომელსაც ბერლინი, სტოკჰოლმი და კოპენჰაგენი ერთობლივად აწარმოებენ, რუსეთმა გერმანიის, დანიისა და შვედეთის ელჩები საგარეო საქმეთა სამინისტროში დაიბარა, - ინფორმაციას რუსული მედია ავრცელებს.

„რუსეთი არ ცნობს ასეთი გამოძიების „ფსევდო შედეგს“, თუ გამოძიებაში რუსი სპეციალისტები არ მიიღებენ მონაწილეობას“, - აცხადებენ რუსეთის საგარეო უწყებაში.

მათივე ცნობით, სამინისტრომ მიიღო ინფორმაცია ინციდენტების გამოძიებაში მესამე ქვეყნების, მათ შორის აშშ-ის ჩართვის შესახებ.

შეგახსენებთ, „ჩრდილოეთის ნაკადი 1“ და „ჩრდილოეთის ნაკადი 2“ გაზსადენებზე სექტემბრის ბოლოს გაჟონვა მოხდა. დასავლეთში არ გამორიცხავენ, რომ ინციდენტების მიზეზი დივერსია იყო.