„საქართველოს სადაზღვევო ჯგუფმა“ შეიმუშავა კორპორაციული სამედიცინო დაზღვევის პაკეტები, რომელიც 10 და მეტ თანამშრომლიან ორგანიზაციებზეა გათვლილი, - ამის შესახებ „საქართველოს სადაზღვევო ჯგუფის“ სამედიცინო დაზღვევის დირექტორი თეო აქიმიძე აცხადებს.

მისი თქმით, სადზღვევო ბაზარზე ჯანმრთელობის დაზღვევის კორპორაციულ სეგმენტში მცირერიცხოვანი ორგანიზაციებისთვის საკმაოდ შეზღუდული დაზღვევის პირობების შეთავაზება ხდება - მოლოდინის პერიოდით გეგმიურ სტაციონარულ მომსახურებებზე და გამონაკლისების საკმაოდ დიდი ჩამონათვალით.

„სწორედ ამ პრობლემის გათვალისწინებით, „საქართველოს სადაზღვევო ჯგუფმა“ შეიმუშავა კორპორაციული სამედიცინო დაზღვევის პაკეტები, რომელიც 10 და მეტ თანამშრომლიან ორგანიზაციებზეა გათვლილი»,- განაცხადა აქიმიძემ.

აქიმიძის განცხადებით, საქართველოს სადაზღვევო ჯგუფისთვის მნიშვნელოვანია მომხმარებელმა წინასწარ იცოდეს, რა ტიპის დაზღვევას ყიდულობს და შეძენამდე აუცილებელია დეტალურად გაეცნონ კონტრაქტის პირობებს.

„ჩვენი მენეჯერები მზად არიან მომხმარებელთან ერთად დეტალურად შეადარონ ჩვენი პირობები სხვა კომპანიების პირობებს და შეურჩიონ საუკეთესო პაკეტი. ჩვენთან, ისევე როგორც სხვა კომპანიებში, ყველაზე დიდი წილი ჯანმრთელობის დაზღვევას უკავია. დაახლოებით 60-70 %. 2017 წლიდან დღემდე, ჯანმრთელობის დაზღვევაზე ანაზღაურებული ზარალები ყოველწლიურად 8-9 მილიონ ლარს შეადგენს.

ოპერირების დაწყებიდან დღემდე ჩვენს კომპანიას მხოლოდ ჯანმრთელობის დაზღვევის კუთხით 40 მილიონ ლარზე მეტი აქვს ანაზღაურებული. დღეის მონაცემებით კი ჩვენ კომპანიაში ჯანმრთელობის დაზღვევით მოსარგებლეთა რიცხვი 40 000-ს აღემატება“, - აღნიშნავენ კომპანიაში.

დაზღვევის პირობებს შეგიძლიათ გაეცნოთ შემდეგ ბმულზე