თეა ახვლედიანი საქართველოში სომხეთის ელჩს შეხვდა

თეა ახვლედიანმა საქართველოში სომხეთის რესპუბლიკის საგანგებო და სრულუფლებიან ელჩთ აშოტ სმბატიანთან გაცნობითი შეხვედრა გამართა. აღნიშნულ ინფორმაციას სახელმწიფო მინისტრის აპარატი ავრცელებს.

სახელმწიფო მინისტრმა ელჩს თანამდებობაზე დანიშვნა მიულოცა და დიპლომატიურ საქმიანობაში წარმატება უსურვა საქართველოს და სომხეთის რესპუბლიკას შორის კეთილმეზობლური და მეგობრული ურთიერთობების შემდგომი გამყარებისა და ორი ქვეყნის ხალხის საკეთილდღეოდ.

თეა ახვლედიანმა ელჩს გააცნო უწყების საქმიანობა, როგორც შერიგებისა და ჩართულობის, ისე სამოქალაქო თანასწორობისა და ინტეგრაციის პოლიტიკის მიმართულებით. სახელმწიფო მინისტრმა ისაუბრა ოკუპირებული აფხაზეთისა და ცხინვალის რეგიონებში არსებულ მძიმე უფლებრივ და ჰუმანიტარულ ვითარებაზე, ადგილობრივი მოსახლეობის, განსაკუთრებით ეთნიკური ქართველების ფუნდამენტური უფლებების უხეშ დარღვევებზე. თეა ახვლედიანმა მიმოიხილა სამოქალაქო თანასწორობისა და ინტეგრაციის პოლიტიკის პრიორიტეტები, მიზნები და სამომავლო გეგმები, აღნიშნა ის მექანიზმები და ინსტრუმენტები, რომლებიც ხორციელდება სამოქალაქო თანასწორობისა და ინტეგრაციის სახელმწიფო სტრატეგიის ფარგლებში და მიმართულია ეთნიკური უმცირესობების წარმომადგენლების საზოგადოებრივი ცხოვრების სხვადასხვა სფეროში თანასწორი ჩართულობისკენ. ხაზი გაესვა ორ ქვეყანას შორის პარტნიორობის, ასევე რეგიონში მშვიდობისა და სტაბილურობის განმტკიცების მნიშვნელობას. სომხეთის ელჩი, თავის მხრივ, მიესალმა აღნიშნული ორივე მიმართულებით სახელმწიფოს მიერ გაწეულ ძალისხმევას და თანამშრომლობისთვის მზადყოფნა გამოთქვა“,- ნათქვამია გავრცელებულ ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე