რუსული მედიის ინფორმაციით, რუსეთში, იეისკის საცხოვრებელ უბანში, რუსული სამხედრო თვითმფრინავის ჩამოვარდნას სულ მცირე 4 ადამიანი ემსხვერპლა

უკრაინის მახლობლად, რუსეთის ქალაქ იეისკის საცხოვრებელ უბანში, რუსული სამხედრო თვითმფრინავის ჩამოვარდნის შედეგად სულ მცირე ოთხი ადამიანი დაიღუპა. ინფორმაციას რუსული მედია ავრცელებს.

კრემლმა სახელმწიფო საინფორმაციო სააგენტო „ტასს“ განუცხადა, რომ რუსეთის პრეზიდენტი ვლადიმერ პუტინი ინფორმირებულია მომხდარზე და მან ბრძანება გასცა, რომ „სამხედრო თვითმფრინავის ინციდენტის შედეგად დაზარალებულებს ყველა საჭირო დახმარება გაეწიოთ“.

რუსეთის ქალაქ იეისკში, რომელიც უკრაინის მახლობლად მდებარეობს, რუსული მოიერიშე თვითმფრინავი საცხოვრებელ კორპუსს შეეჯახა.

საინფორმაციო სააგენტო „რიას“ ცნობით, ჩამოვარდნილი თვითმფრინავი Sukhoi Su-34 იყო, რომელიც ზებგერითი საშუალო მანძილზე მოქმედების გამანადგურებელი-ბომბდამშენია. „რიას“ ინფორმაციით, ის სამხედრო აეროდრომიდან სასწავლო ფრენის დროს ჩამოვარდა. სააგენტო „ტასის“ ცნობით კი, კატასტროფა ძრავის გამო მოხდა.

კიდევ ერთი რუსული საინფორმაციო სააგენტო „ინტერფაქსი“ ადგილობრივ საგანგებო სიტუაციების სამინისტროზე დაყრდნობით იუწყება, რომ საცხოვრებელი კორპუსის ხუთი სართული ცეცხლში იყო გახვეული, ზედა სართულები კი ჩამოინგრა, დაზიანდა დაახლოებით 45 ბინა.

რუსეთის საგამოძიებო კომიტეტმა ქალაქ იეისკში მოიერიშე თვითმფრინავის ჩამოვარდნის ფაქტზე გამოძიება დაიწყო. როგორც რუსული მედია წერს, სამხედრო გამომძიებლები მომხდარის გარემოებებსა და მიზეზებს ადგენენ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე