ანდრეი ერმაკი - სამწუხაროდ, ვერ ვხედავთ, რომ “წითელი ჯვარი” ჩვენი ტყვეების დასაცავად მუშაობს

სამწუხაროდ, ჩვენ ვერ ვხედავთ, რომ “წითელი ჯვარი” ჩვენი ტყვეების დასაცავად მუშაობს, - ამის შესახებ უკრაინის პრეზიდენტის ოფისის ხელმძღვანელმა ანდრეი ერმაკმა განაცხადა. ამის შესახებ უკრაინის პრეზიდენტის ოფისის ხელმძღვანელმა უკრაინული დელაგაციის ზაპოროჟიეს ოლქში საკონტაქტო ხაზთან ვიზიტის შემდეგ განაცხადა, რომელსაც წითელი ჯვრის საერთაშორისო კომიტეტის წარმომადგენლები არ შეუერთდნენ.

ერმაკის თქმით, რუსეთის მიერ სამხედრო დანაშაულების, ადამიანურობის წინააღმდეგ მიმართული დანაშაულებისა და გენოციდური ბოროტქმედებების “გასაოცარი მასშტაბი” ორგანიზაციებისგან, რომლებიც საერთაშორისო ჰუმანიტარული სამართლის ნორმებსა და მოთხოვნებზე მუშაობენ, მოითხოვს, როგორც მინიმუმ, მკაფიო პოზიციის დაფიქსირებას.

“უკრაინა წითელი ჯვრის საერთაშორისო კომიტეტისგან ელის და მოითხოვს სათანადო გადაწყვეტილებას ელენოვკაში მყოფ უკრაინელ ტყვეებთან წვდომის მოპოვების საკითხში. ვინაიდან სწორედ ასეთი ამოცანებისთვის შეიქმნა ორგანიზაცია”, - დასძინა ერმაკმა.

ამავდროულად, უკრაინის პრეზიდენტის ოფისის ხელმძღვანელმა აღნიშნა, რომ “წითელი ჯვრის” მისიის ელენოვკაში უკრაინელ ტყვეებთან დაშვების საკითხში მთავარ დაბრკოლებას რუსეთის დესტრუქციული და ცინიკური პოზიცია წარმოადგენს.

“ამავდროულად, სამწუხაროდ, ჩვენ ვერ ვხედავთ, რომ “წითელი ჯვარი” ჩვენი ტყვეების დასაცავად მუშაობდეს. უკრაინული საზოგადოება ვერ ხედავს ამას. დამცველების ნათესავები ვერ ხედავენ”, - აღნიშნა ერმაკმა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო