გაერო-ში ირანული დრონების რუსეთისთვის გადაცემის საკითხს განიხილავენ

ამერიკის შეერთებული შტატები, გაერთიანებული სამეფო და საფრანგეთი დღეს, გაერო-ს უშიშროების საბჭოს დახურულ სხდომაზე ირანული იარაღის რუსეთისთვის გადაცემის საკითხის წამოჭრას გეგმავენ, - ინფორმაციას Reuters-ი დიპლომატებზე დაყრდნობით ავრცელებს.

ამასთან, უკრაინა გაერო-ს ექსპერტებს ჩამოგდებული ირანული წარმოშობის თვითმფრინავების შესამოწმებლად იწვევს.

Reuters-ის ინფორმაციით, უკრაინის მიერ გაერო-სთვის გაგზავნილ წერილში აღნიშნულია, რომ რუსეთის მიერ უკრაინის ობიექტებზე თავდასხმისთვის ირანული დრონების გამოყენება უშიშროების საბჭოს 2231 რეზოლუციას არღვევს.

„გვსურს მოვიწვიოთ გაერო-ს ექსპერტები, ეწვიონ უკრაინას რაც შეიძლება მალე, რათა შეამოწმონ ამოღებული ირანული წარმოშობის უპილოტო საფრენი აპარატები და ხელი შეუწყონ გაერო-ს უშიშროების საბჭოს 2231 რეზოლუციის შესრულებას“, - ნათქვამია უკრაინის ელჩის წერილში, რომელიც მან გაერო-ს უშიშროების საბჭოს წევრებს გაუგზავნა.

ცნობისათვის, უკრაინის საგარეო საქმეთა მინისტრმა, დმიტრო კულებამ გუშინ განაცხადა, რომ პრეზიდენტ ვოლოდიმირ ზელენსკის შეთავაზებს, ოფიციალურად შეწყვიტონ დიპლომატიური ურთიერთობები თეირანთან რუსეთის მიერ უკრაინაში ირანული დრონების გამოყენების გამო.

უკრაინა აცხადებს, რომ რუსეთმა, ბოლო დღეების განმავლობაში, უკრაინის ქალაქებსა და ენერგეტიკული ინფრასტრუქტურის ობიექტებზე ირანული წარმოშობის ე.წ. „კამიკაძე-დრონებით“ თავდასხმები გააძლიერა, რაც ინფრასტრუქტურის განადგურებას და მშვიდობიან მოქალაქეებში მსხვერპლს იწვევს. თეირანი რუსეთისთვის აღნიშნული დრონების მიწოდებას უარყოფს.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა