საბა ბუაძე - კახა კალაძე საკრებულოს სხდომაზე დავიბარეთ, კანონი დაარღვია და არ მოვიდა, ახლა მთავრობის სხდომაზე გვინდა დავსვათ კითხვები, რადგან ვაკის პარკში მომხდარმა ტრაგედიამ დაუცველობის განცდა გაზარდა

პარტია „ლელოს“ ერთ-ერთი ლიდერის, საბა ბუაძის განცხადებით, საკრებულოს ოპოზიციონერი დეპუტატები თბილისის მთავრობის სხდომაზე დასწრებას იმის გამო ითხოვენ, რომ ვაკის პარკში მომხდარ ტრაგედიასთან დაკავშირებით კითხვები დასვან.

მისივე თქმით, ვაკის პარკში მომხდარმა ტრაგედიამ დაუცველობის განცდა კიდევ უფრო გაზარდა.

„უმძიმესი ტრაგედია მოხდა და საზოგადოებაში ბევრი კითხვა და დაუცველობის განცდაა. შესაბამისად, იმისათვის, რომ საზოგადოების კითხვები თბილისის მერის წინაშე დაისვას, ჩვენ ის ჯერ საკრებულოს სხდომაზე დავიბარეთ. მან კანონი დაარღვია და „ქართული ოცნების“ წარმომადგენლებმა საკრებულოს სხდომაზე დასწრებაზე უარი განაცხადეს. შესაბამისად, ჩვენ დღეს აქ იმისთვის მოვედით, რომ თბილისის მთავრობის სხდომაზე ის კითხვები დავსვათ, რომელიც ამ ტრაგედიას, ამ ტრაგედიის გამომწვევ კორუფციას, უკიდურეს უპასუხისმგებლობას და უვიცობას უკავშირდება. ბევრი ტექნიკური ხასიათის შეკითხვები გვაქვს, რომელიც აბსოლუტურად მშვიდ რეჟიმში გვინდა რომ დავსვათ,“ - განაცხადა საბა ბუაძემ.

საკრებულოს ოპოზიციონერი წევრები თბილისის მთავრობის სხდომაზე დასწრების ნებართვას, მერიასთან ამ დრომდე ელოდებიან.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება