ურსულა ფონ დერ ლაიენის შეფასებით, უკრაინის სამოქალაქო ინფრასტრუქტურაზე გამიზნული თავდასხმა „სუფთა ტერორისტული აქტია“
ევროკომისიის პრეზიდენტის ურსულა ფონ დერ ლაიენის განცხადებით, რუსეთის იერიშები უკრაინის კრიტიკულ ენერგეტიკულ ინფრასტრუქტურაზე "ომის დანაშაულს" წარმოადგენს. ამის შესახებ ურსულა ფონ დერ ლაიენმა დღეს ევროპარლამენტში დეპუტატების წინაშე გამოსვლისას განაცხადა.
ევროკომისიის ხელმძღვანელმა თავდასხმებს "სუფთა ტერორისტული აქტი" უწოდა, რომელიც "ახალი თავია უკვე ძალიან სასტიკ ომში".
„სამოქალაქო ინფრასტრუქტურაზე გამიზნული თავდასხმა, რომლის მიზანია ზამთრის დადგომისას, მამაკაცების, ქალების, ბავშვების წყლის, ელექტროენერგიისა და გათბობის გარეშე დატოვება. ეს არის სუფთა ტერორისტული აქტი და ჩვენ ამას ასე უნდა ვუწოდოთ“, - განაცხადა ფონ დერ ლაიენმა.
ცნობისთვის, გუშინ, უკრაინის პრეზიდენტმა ვოლოდიმირ ზელენსკიმ განაცხადა, რომ 10 ოქტომბრის შემდეგ, მისი ქვეყნის ელექტროსადგურების 30% განადგურებულია, რამაც მთელ უკრაინაში "მასობრივი დაბნელება" გამოიწვია.
v-if="article.gallery" v-html="article.gallery"
