ლონდონში ბრექსიტის მოწინააღმდეგე ათასობით დემონსტრანტმა, დიდი ბრიტანეთის ევროკავშირში ხელახლა გაწევრიანებისკენ მოწოდებით, აქცია გამართა.

ბრიტანული მედიის ცნობით, მომიტინგეები ევროკავშირის დროშებს აფრიალებდნენ და გაერთიანებულ სამეფოში ამჟამდ შექმნილ კრიზისს ევროკავშირიდან გასვლას უკავშირებდნენ.

როგორც მედია წერს, აქციის მონაწილეები დიდი ბრიტანეთის სხვადასხვა ადგილიდან საათობით მგზავრობდნენ, რათა ლონდონში, მსვლელობას დასწრებოდნენ.

ევროკავშირში გაწევრიანების მომხრე დემონსტრანტებს ხელში ტრანსპარანტები ეჭირათ, რომელზეც ეწერა: „დაბალი გადასახადებისთვის ხელახლა გავწევრიანდეთ ევროკავშირში“ და „მე ევროპელი ვარ და მე ამაყი ვარ“.