„ანტიკორუფციულ მოძრაობაში“ აცხადებენ, რომ საერთაშორისო პარტნიორებთან იმუშავებენ, რათა ირაკლი კობახიძე და თეა წულუკიანი არჩევნების გაყალბების გამო დასანქცირდნენ

„ანტიკორუფციული მოძრაობის“ წევრის ირაკლი ფავლენიშვილის განცხადებით, საერთაშორისო პარტნიორებთან იმუშავებენ, რათა, არჩევნების გაყალბების გამო, სანქცირებულთა სიაში შევიდნენ მმართველი გუნდის წევრები - ირაკლი კობახიძე და თეა წულუკიანი.

როგორც მან ჟურნალისტებთან საუბრისას განაცხადა, საერთაშორისო სანქციების ობიექტი უნდა იყოს ყველა ის პირი, ვინც არჩევნები გააყალბა.

"კულტურის სამინისტროში იმყოფება ადამიანი, რომელიც მნიშვნელოვან მონაწილეობას იღებდა 2020 წლის საპარლამენტო არჩევნებსა და 2021 წლის მუნიციპალური არჩევნების გაყალბებაში. გუშინ, საზოგადოებისთვის ცნობილი გახდა ახალი დეტალი - თვითონ გამყალბებელმა, რომელთაც სხვა გამყალბებლებთან მოუვიდათ დაპირისპირება, საჯაროდ გახადეს ცნობილი იმ მტკიცებულებების შესახებ, რომელზეც ბოლო წლებში ვსაუბრობდით.

ჩვენ ვაკვირდებოდით და ვხედავთ, თუ როგორ ყალბდებოდა ქართველი ხალხის ნება.

რაც შეეხება თეა წულუკიანს, რომელიც იუსტიციის სამინისტროდან კულტურის სამინისტროში გადავიდა, საქართველოს მოქალაქეების პერსონალური ინფორმაცია ცნობილი იყო "ქართული ოცნების" პარტაქტივისთვის, "ქართული ოცნებისა" და სუსისთვის. იუსტიციის სამინისტროს პასუხისმგებლობა იკვეთება, სწორედ იუსტიციის სამინისტროს მიუწვდება ხელი ჩვენს პერსონალურ მონაცემებზე, მათ ევალებოდათ პერსონალური მონაცემების დაცვა, მაგრამ მან ეს კი არ დაიცვა, გადასცა მმართველ პარტიას, მსხვერპლად შესწირა. ამიტომ, უნდა დადგეს მისი პასუხისმგებლობის საკითხი. ჩვენ ვაპირებთ, მივმართოთ მონაცემების დაცვის ინსპექტორს, რათა დაიწყონ გამოძიება თეა წულუკიანთან დაკავშირებით.

ასევე, ჩვენ ვმუშაობთ საერთაშორისო პარტნიორებთან სანქციების საკითხზე, სადაც ერთ-ერთ მიმართულებაა ქართული დემოკრატიისთვის ძირის გამოთხრა. მთავარი ძირის გამოთხრა, რაც შეიძლება დაუშავოს მმართველმა, ეს არის არჩევნების გაყალბება, ერის თავისუფალი ნების გამოხატვის შეზღუდვა, ამიტომ ირაკლი კობახიძე, თეა წულუკიანი და გამყალბებლები უნდა იყვნენ საერთაშორისო სანქცირების ობიექტები, ჩვენ მტკიცებულებებს პარტნიორებს გავაცნობთ. ეს გამყალბებლები დასჯილები უნდა იყვნენ”,- აღნიშნავს ფავლენიშვილი.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა