რიში სუნაკი დღეს ბუკინგემის სასახლეში გაემგზავრება და გაერთიანებული სამეფოს მეფე ჩარლზს შეხვდება, - ინფორმაციას The Guardian-ი ავრცელებს.
გამოცემის ცნობით, მეფე ჩარლზთან შეხვედრაზე სუნაკს ოფიციალურად სთხოვენ მთავრობის ფორმირებას. ამის შემდეგ სუნაკი დაუნინგ სთრითის გარეთ ერს გაერთიანებული სამეფოს პრემიერ-მინისტრის რანგში პირველად მიმართავს. მანამდე ლიზ ტრასი მინისტრთა კაბინეტის ბოლო სხდომას ჩაატარებს, რის შემდეგაც იგი სიტყვით გამოვა დაუნინგ სთრითის გარეთ. შემდეგ ტრასი ბუკინგემის სასახლეში, მეფესთან აუდიენციისთვის გაემგზავრება და ოფიციალურად გადადგება.