მარიკა არევაძე - სასამართლო სისტემაში არსებობს მცირე პრობლემებიდან მასშტაბურ პრობლემებამდე რიგი საკითხები, რომელიც აღმოფხვრას და გამოსწორებას საჭიროებს

არის შესაძლო გავლენების პრობლემა სასამართლოში, გავლენიანი ჯგუფების პრობლემა, რამაც შესაძლოა, გარკვეული ტიპის საქმეებზე არასასურველი გავლენები მოახდინონ, - ამის შესახებ საქართველოს სახალხო დამცველობის კანდიდატმა მარიკა არევაძემ პარლამენტში, ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე ისაუბრა, სადაც სახალხო დამცველობის კანდიდატებს უსმენენ.

როგორც არევაძემ აღნიშნა, სასამართლო სისტემაში ასევე არსებობს გადატვირთულობის პრობლემა, რაც თავის მხრივ, დროული მართლმსაჯულების მიღების შესაძლებლობას ზღუდავს.

„სასამართლო სისტემაში არსებობს მცირე პრობლემებიდან მასშტაბურ პრობლემებამდე რიგი საკითხები, რომელიც აღმოფხვრას და გამოსწორებას საჭიროებს. ეს არის ერთი მხრივ, ის, რომ სწრაფი მართლმსაჯულება ჩვენ ქვეყანაში არ გვაქვს იქიდან გამომდინარე, რომ დავები საპროცესო განხილვის ვადებს ყოველთვის აჭარბებს, სასამართლოები გადატვირთულია და ვერ ხდება კონკრეტულ საქმეებზე დროული მართლმსაჯულების მიღება. ასევე არის შესაძლო გავლენების პრობლემა სასამართლოში, გავლენიანი ჯგუფების პრობლემა, რამაც შესაძლოა, გარკვეული ტიპის საქმეებზე არასასურველი გავლენები მოახდინონ. მნიშვნელოვანია იუსტიციის უმაღლესი საბჭოს დაკომპლექტების საკითხი. სასამართლო რეფორმის გაგრძელების საკითხი, საჭიროა რეალური რეფორმა, რომ მივიღოთ რეალურად დამოუკიდებელი სასამართლო. დამოუკიდებელი სასამართლო კი უზრუნველყოფს ქვეყანაში უფლებების დაცვის ხარისხს. დამოუკიდებელი და გამართული სასამართლოს არსებობის პირობებში უფრო ნაკლები სამუშაო ექნება სახალხო დამცველს“, - განაცხადა არევაძემ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა