პაატა მანჯგალაძე - თითქოს სხვა საქმე არ ჰქონდათ, დასხდნენ „ქართული ოცნების" დეპუტატები და ომბუდსმენობის კანდიდატების „ფეისბუქ სტატუსები" წაიკითხეს - სასამართლო მოუწყვეს გამოხატვის თავისუფლების გამო

თითქოს სხვა საქმე არ ჰქონდათ, დასხდნენ „ქართული ოცნების" დეპუტატები და ომბუდსმენობის 19-ვე კანდიდატის „ფეისბუქ სტატუსები" წაიკითხეს, სასამართლო მოუწყვეს გამოხატვის თავისუფლების გამო, - ამის შესახებ ჟურნალისტებთან "სტრატეგია აღმაშენებლის" დეპუტატმა პაატა მანჯგალაძემ გუშინ, სახალხო დამცველობის სამი კანდიდატის მოსმენასთან დაკავშირებით განაცხადა.

მანჯგალაძის განცხადებით, ცვლილებები, რომელიც ომბუდსმენის არჩევის წესში შევიდა, ფარსია, ისევე როგორც პროცესი, რომელიც ახლა მიმდინარეობს, რადგან "ქართულ ოცნებას" გადაწყვეტილი აქვს აირჩიოს კანდიდატი, რომელიც "შავზე იტყვის, რომ თეთრია" და პირიქით.

"აშკარაა, რომ "ქართულ ოცნებას" არ მოსწონს ის კანდიდატები, რომლებიც რეალურად არიან დამოუკიდებელნი, პროფესიონალები და მიუკერძოებლები. გუშინ "ქართული ოცნება" მიზანმიმართულად ცდილობდა ამ კანდიდატებისთვის პოლიტიკური კუთვნილების მიკერებას. თითქოს სხვა საქმე არ ჰქონდათ, დასხდნენ "ქართული ოცნების" დეპუტატები და 19- ვე კანდიდატის "ფეისბუქ სტატუსები" წაიკითხეს, გუშინ ადამიანებს ეკითხებოდნენ "ფეისბუქზე" ბოლო 5 წელში გამოქვეყნებულ სტატუსებზე, ამაზე სთხოვდნენ ახსნა - განმარტებებს და ერთგვარი სასამართლო მოუწყვეს ამ გამოხატვის თავისუფლების გამო. "ქართული ოცნება" პირდაპირ გვეუბნება, რომ კანდიდატი, რომელიც პროფესიონალია და დამოუკიდებელი აზროვნების უნარი გააჩნია, მათთვის არის მიუღებელი და სჭირდებათ კანდიდატი, რომელიც თეთრზე იტყვის შავს და შავზე თეთრს. ამ რწმენას მიმყარებს კობახიძის განცხადება, რომელმაც თქვა, რომ კონსენსუსი ალბათ, ვერ შედგება და სახალხო დამცველის მოვალეობას შეასრულებს მისი მოადგილე" - განაცხადა მანჯგალაძემ.

ცნობისათვის, გუშინ ადამიანის უფლებათა კომიტეტზე სახალხო დამცველობის კანდიდატებს - ანა აბაშიძეს, გიორგი ბურჯანაძეს და მარიკა არევაძეს მოუსმინეს. დღეს კი ლელა გაფრინდაშვილს, სოფიო დემეტრაშვილს, თინათინ ერქვანიასა და ევგენია თავაძეს უსმენენ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა