რევაზ სოხაძე - ბრძანებულება, რომელიც ოპონენტებმა წარმოადგინეს, მათ ბოლომდე წაკითხულიც არ აქვთ

თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარე რევაზ სოხაძე ატენის ქუჩაზე მიმდინარე მშენებლობასთან დაკავშირებით „ანტიკორუფციული მოძრაობის“ წარმომადგენლების მიერ დღეს გაჟღერებულ ბრალდებებს გამოეხმაურა და კიდევ ერთხელ, ხაზგასმით აღნიშნა, რომ ატენის ქუჩაზე სამშენებლო ნებართვა 2011 წელს იმდროინდელმა ქალაქის მერმა გიგი უგულავამ 10.0 კოეფიციენტით გასცა. ეს კოეფიციენტი კი დღეს ორჯერ შემცირებულია.

რევაზ სოხაძემ ოპონენტებს მოუწოდა, სანამ ბრალდებებს წამოაყენებენ, კარგად წაიკითხონ დოკუმენტი, სადაც ყველაფერი გარკვევით წერია.

„ჩვენმა ოპონენტებმა დღეს მე ტყუილში დამადანაშაულეს. ის ბრძანებულება, რომელიც წარმოადგინეს მათ ბოლომდე წაკითხულიც არ აქვთ. ბრძანებულებაში გარკვევით წერია, რომ K2 კოეფიციენტი 10.0-ის მაგივრად, 5.0 -ით განისაზღვრა. ანუ, ორჯერ შემცირდა. რაც შეეხება 33 ათას კვადრატულ მეტრ სამშენებლო ფართს, ეს ფართი მიწისქვეშა ტერიტორიასაც მოიცავს. ძველი ნებართვა, რომელიც 2011 წელს, კოეფიციენტის გადამეტებით გაიცა, K2 კოეფიციენტში კიბის უჯრედს, აივანსა და ტერასას არ მოიაზრებდა. შესაბამისად, ახლა განაშენიანების ფართობში ეს ფართი შედის. სწორედ ამიტომ მივიღეთ ციფრი 33 ათასი კვადრატული მეტრი. K2 განაშენიანების ფართობი კი 15 763 კვადრატული მეტრია“- განაცხადა რევაზ სოხაძე.

საკრებულოს უმრავლესობის წევრი ოპონენტებს დოკუმენტის სრულად შესწავლას და გააზრებას ურჩევს.

ინფორმაციას თბილისის საკრებულოს პრესსამსახური ავრცელებს.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა