რუსეთის საგარეო საქმეთა სამინისტროს იარაღის გაუვრცელებლობისა და იარაღის კონტროლის დეპარტამენტის დირექტორის მოადგილე, კონსტანტინ ვორონცოვი აცხადებს, რომ შეერთებული შტატები და მისი მოკავშირეები კოსმოსის დასავლეთის დომინირების გაძლიერების მიზნით გამოყენებას ცდილობენ.
ვორონცოვმა გაერო-ს პირველ კომიტეტს განუცხადა, რომ დასავლური თანამგზავრების გამოყენება უკრაინის ომის ძალისხმევის დასახმარებლად „უკიდურესად საშიში ტენდენციაა“.
„კვაზი-სამოქალაქო ინფრასტრუქტურა შეიძლება გახდეს საპასუხო დარტყმის ლეგიტიმური სამიზნე“, - აღნიშნა ვორონცოვმა.
მისი თქმით, დასავლეთის მიერ ასეთი თანამგზავრების უკრაინის მხარდასაჭერად გამოყენება "პროვოკაციული" ქმედებაა.
„საუბარია შეიარაღებულ კონფლიქტებში შეერთებული შტატებისა და მისი მოკავშირეების მიერ სამოქალაქო კოსმოსური ინფრასტრუქტურის კომპონენტების, მათ შორის კომერციული კომპონენტების ჩართვაზე“, - აღნიშნა ვორონცოვმა.