ადამიანის უფლებათა დაცვის ეროვნული ინსტიტუტების გლობალურმა ალიანსმა (GANHRI) ძალიან მკაფიო რეკომენდაცია გასცა, როგორ უნდა აირჩიოთ ომბუდსმენი. ეს იმას ნიშნავს, რომ საჭიროა გქონდეთ გარკვეული კრიტერიუმები. ეს არის საქართველოში ძალიან მნიშვნელოვანი ინსტიტუტი, - ამის შესახებ საქართველოში გაერო-ს მუდმივმა კოორდინატორმა, საბინე მახლიმ განაცხადა.

მისი თქმით, ომბუდსმენის ინსტიტუტი ძალიან მნიშვნელოვანი ინსტიტუტია საქართველოში და საჭიროა, რომ ახალი ომბუდსმენის არჩევის პროცესი ინკლუზიურად წარიმართოს.

„საქართველო ერთ-ერთია იმ მცირერიცხოვან ქვეყნებს შორის, სადაც ომბუდსმენს A რეიტინგი აქვს. ასე რომ, ეს ნიშნავს ყველაზე მაღალ შეფასებას, რაც მათ შეუძლიათ მიიღონ GANHRI-გან.

ძალიან მნიშვნელოვანია, რომ ეს გაგრძელდეს. მომავალ წელს ისინი კვლავ განიხილავენ საქართველოს ომბუდსმენს და შეაფასებენ, თუ რეიტინგი კვლავ A არის. ამიტომ, ნამდვილად მნიშვნელოვანია, რომ ომბუდსმენის არჩევის პროცესი იყოს ინკლუზიური და ყველა კანდიდატის განხილვა მოხდეს“, - აღნიშნა საბინე მახლიმ.