რუსული მედიის ინფორმაციით, დონეცკის ოლქში ნავთობის საცავი იწვის
უკრაინაში, დონეცკის ოლქის, ქალაქ შახტარსკში ნავთობის საცავი იწვის. ინფორმაციას ამის შესახებ რუსული სახელმწიფო მედია
“რია ნოვოსტი” საოკუპაციო ე.წ. ხელისუფლებაზე დაყრდნობით ავრცელებს.
არსებული ინფორმაციით, მასშტაბური ხანძარი 27 ოქტომბერს დილით გაჩნდა.
საოკუპაციო ე.წ. ხელისუფლების თანახმად, დაბომბვის შედეგად სარკინიგზო სადგურის ტერიტორიაზე ცეცხლი ოთხ საცავს გაუჩნდა, რომელშიც საწვავის საერთო მოცულობაა 60 ტონა.
ასევე ვრცელდება ინფორმაცია სამოქალაქო პირებს შორის ოთხ დაზარალებულზე, რომელთაც უკვე უწევენ სამედიცინო მომსახურებას.
