ანტონიო გუტერეში რუსეთსა და უკრაინას მარცვლეულის ექსპორტის შესახებ შეთანხმების განახლებისკენ მოუწოდებს

გაერო-ს გენერალური მდივანი, ანტონიო გუტერეში რუსეთსა და უკრაინას მოუწოდებს, განაახლონ შეთანხმება, რომლის შედეგადაც უკრაინიდან 8 მილიონ ტონაზე მეტი მარცვლეულის ექსპორტი განხორციელდა.

გუტერეშმა ასევე მოუწოდა სხვა ქვეყნებს, დააჩქარონ იმ დაბრკოლებების მოხსნა, რომლებიც ბლოკავს რუსული მარცვლეულისა და სასუქის ექსპორტს. გუტერეშმა ხაზი გაუსვა შეთანხმების განახლების აუცილებლობას, რაც ხელს შეუწყობს მთელ მსოფლიოში სასურსათო უსაფრთხოებას.

მისი თქმით, შავი ზღვის სამი პორტიდან უკრაინული მარცვლეულის ექსპორტის განახლებამ „მნიშვნელოვნად შეუწყო ხელი ხორბალსა და სხვა საქონელზე ფასების შემცირებას“.

უკრაინასა და რუსეთს შორის შეთანხმება გაერო-სა და თურქეთის შუამავლობით ივლისში გაფორდა და მისი ვადა 19 ნოემბერს იწურება. რუსეთის ელჩმა გაერო-ში რამდენიმე დღის წინ განაცხადა, რომ ვიდრე მოსკოვი შეთანხმების განახლებას განიხილავს, „რუსეთს სურს, თავისი მარცვლეულისა და სასუქების მსოფლიო ბაზარზე ექსპორტი იხილოს, რაც არასოდეს მომხდარა შეთანხმების დაწყების შემდეგ“.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა