ნიკოლ ფაშინიანი მზადაა, ყარაბაღში რუსი სამშვიდობოების მანდატის 20 წლამდე გახანგრძლივების შესახებ დოკუმენტს ხელი მოაწეროს
სომხეთის პრემიერ-მინისტრის ნიკოლ ფაშინიანის განცხადებით, მზადაა სოჭში დაგეგმილ სამმხრივ შეხვედრაზე ხელი მოაწეროს დოკუმენტს ყარაბაღში რუსი სამშვიდობოების მანდატის 20 წლამდე გახანგრძლივების შესახებ, - ინფორმაციას რუსული მედია ავრცელებს.
„გვინდა, რომ რუსმა სამშვიდობოებმა მისია განაგრძონ. მზად ვარ, სოჭში ხელი მოვაწეროთ სამშვიდობოების მანდატის 10-15 ან 20 წლით გახანგრძლივების დოკუმენტს. ვთავაზობ, რომ რუსეთის პრეზიდენტმა ეს ინიციატივა წამოაყენოს. მე შემიძლია წამოვაყენო ეს წინადადება, მაგრამ რუსეთმა მას მხარი უნდა დაუჭიროს“, - განაცხადა ფაშინიანმა.
შეგახსენებთ, გუშინ კრემლის პრესსამსახურმა გაავრცელა ინფორმაცია, რომ რუსეთის, აზერბაიჯანისა და სომხეთის ლიდერები, ვლადიმერ პუტინი, ილჰამ ალიევი და ნიკოლ ფაშინიანი ორშაბათს, სოჭში სამმხრივ შეხვედრას გამართავენ.
v-if="article.gallery" v-html="article.gallery"
