Rossiya Segodnya-ს სიმფეროპოლის განყოფილების ხელმძღვანელი, სვეტლანა ბაბაევა ანექსირებულ ყირიმში დაიღუპა, - ინფორმაციას რუსული მედია ავრცელებს.
მათივე ცნობით, ჟურნალისტის გარდაცვალების მიზეზი უბედური შემთხვევა გახდა.
გამოცემა REGNUM-ი წერს, რომ ტრაგედია ყირიმში მდებარე ერთ-ერთ საწვრთნელ პოლიგონზე, სამხედრო სპორტული სროლის დროს მოხდა.
სვეტლანა ბაბაევა სხვადასხვა დროს მუშაობდა Ria Novosti-ში, იყო ჟურნალ “პროფილის“ მთავარი რედაქტორი, 2013-2016 წლებში კი მას Gazeta.ru-ს მთავარი რედაქტორის პოზიცია ეკავა.