გაერო-ს ოფიციალური პირები კონტაქტზე არიან რუსეთის ხელისუფლებასთან ოფიციალური მოსკოვის მიერ უკრაინის პორტებიდან მარცვლეულის ექსპორტზე გაერო-ს შუამავლობით გაფორმებული შეთანხმების შეჩერებასთან დაკავშირებით.
გაერო-ს გენერალური მდივნის, ანტონიო გუტერეშის პრეს-სპიკერი სტეფან დუჟარიკმა, შეთანხმების გაგრძელების მოწოდებით გამოვიდა.
„სასიცოცხლოდ მნიშვნელოვანია, რომ ყველა მხარემ თავი შეიკავოს ნებისმიერი ქმედებისგან, რომელიც საფრთხეს შეუქმნის შავი ზღვის მარცვლეულის ინიციატივას”, - აღნიშნა გაერო-ს პრეს-სპიკერმა.
მისივე თქმით, აღნიშნული შეთანხმება კრიტიკულ ჰუმანიტარულ ძალისხმევას წარმოადგენს, რომელიც აშკარად დადებით გავლენას ახდენს მილიონობით ადამიანისთვის საკვებზე ხელმისაწვდომობის კუთხით.