ენტონი ბლინკენი - მარცვლეულის შეთანხმების შეჩერებით, რუსეთი საკვებს კვლავ იარაღად აქცევს მის მიერ დაწყებულ ომში

ამერიკის შეერთებული შტატები რუსეთს საკვების იარაღად ქცევაში ადანაშაულებს, მას შემდეგ, რაც ოფიციალურმა მოსკოვმა მარცვლეულის ექსპორტის შეთანხმება შეაჩერა.

აშშ-ს პრეზიდენტმა ჯო ბაიდენმა რუსეთის მიერ მარცვლეულის შეთანხმების შეჩერებას "სრულად აღმაშფოთებელი" უწოდა, ხოლო სახელმწიფო მდივანმა, ენტონი ბლინკენმა აღნიშნა, რომ მოსკოვი "საკვების იარაღად ქცევას" ახდენს.

ბლინკენმა შეთანხმების შეჩერებას სამწუხარო უწოდა და მოუწოდა ყველა მხარეს შეინარჩუნონ ეს უმნიშვნელოვანესი, „სიცოცხლის გადამრჩენი“ ინიციატივა.

„რუსეთის ნებისმიერი ქმედება, რომელიც ზიანს მიაყენებს მარცვლეულის ამ კრიტიკულად მნიშვნელოვან ექსპორტს, არსებითად არის განცხადება, რომ ადამიანებმა და ოჯახებმა მთელ მსოფლიოში უფრო მეტი უნდა გადაიხადონ საკვებისთვის ან იშიმშილონ. ამ შეთანხმების შეჩერებით, რუსეთი საკვებს კვლავ იარაღად აქცევს მის მიერ დაწყებულ ომში, რაც პირდაპირ გავლენას ახდენს დაბალი და საშუალო შემოსავლის მქონე ქვეყნებსა და სურსათის გლობალურ ფასებზე. ამწვავებს ისედაც მძიმე ჰუმანიტარულ კრიზისებს და სასურსათო დაუცველობას“, - აღნიშნა ბლინკენმა.

ცნობისთვის, გაერო-ს შუამავლობით დადებული მარცვლეულის შეთანხმების შედეგად, ომის დროს, უკრაინიდან 8 მილიონ ტონაზე მეტი მარცვლეული იქნა ექსპორტირებული და სურსათზე გლობალური ფასების ზრდა დაეცა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება