ზურა ჯაფარიძე - 99%-იანი ალბათობით, მომავალი წლის ბოლოს კანდიდატის სტატუსზე უარს მივიღებთ - ეს არის „ომი გინდათ“ კითხვაზე პასუხი

გირჩი-მეტი თავისუფლების“ ლიდერის, ზურა ჯაფარიძის განცხადებით, ძალიან დიდი ალბათობით, საქართველო ევროკავშირის კანდიდატი ქვეყნის სტატუსს ვერც მომავალი წლის ბოლოს მიიღებს.

როგორც მან ჟურნალისტებს განუცხადა, ბრიუსელში კითხვებს იწვევს „ქართული ოცნების“ ქმედებები და განცხადებები, რომელიც მისი აზრით, ევროკომისიის 12 რეკომენდაციის შესასრულებლად არაფერს აკეთებს.

„კითხვები უკავშირდება „ქართული ოცნების“ ქცევას და ნაბიჯებს, რომელიც მათ გადადგეს კანდიდატის სტატუსის უარის მიღებამდე და უარის მიღების შემდეგ. ეს არის ის კითხვები, რომლის გამოც, ძალიან მაღალი, 99%-იანი ალბათობით, მომავალი წლის ბოლოს ჩვენ კანდიდატის სტატუსზე უარს მივიღებთ. ეს არის „ომი გინდათ“ კითხვაზე პასუხი. ომი კი არ გვინდა, რეკომენდაციების შესრულება გვინდა და არ აკეთებენ“, - განაცხადა ჯაფარიძემ.

გარდა ამისა, ის ახალი სახალხო დამცველის შერჩევის პროცესსაც გამოეხმაურა და განაცხადა, რომ დიდი ალბათობით, ხელისუფლება ამ თანამდებობაზე მისთვის სასურველ კანდიდატს შეარჩევს.

„არ მჯერა, რომ ეს ხელისუფლება რომელიმე დემოკრატიულ ინსტიტუტს დათმობს და მისცემს მას დამოუკიდებლობას, თავისუფლებას. ამ ხელისუფლების ბუნება არის ასეთი, რომ ძალაუფლების ყველა წერტილი სრულად უნდა გაკონტროლდეს, მათ შორის შეიძლება არც ისე ძალიან პრობლემატური ძალაუფლების დაკარგვის თვალსაზრისით, მაგრამ მგონია, რომ ამ პოზიციაზეც საკუთარ კანდიდატს გაუშვებენ”, - განაცხადა ჯაფარიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე