უკრაინა ჩვენი სახელმწიფოს ევროატლანტიკური ინტეგრაციის შესახებ დეკლარაციების ხელმოწერაზე ნატო-ს ყველა წევრთან იწყებს მუშაობას, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, უკრაინას ჩეხეთის პრემიერ-მინისტრი სტუმრობდა, რომელიც ქვეყნის ერთ-ერთი უდიდესი მეგობარია.

„ჩეხეთი ახლა ევროკავშირის საბჭოს თავმჯდომარეობს და ასე ექცევა რუსეთი ევროპულ სტრუქტურებს: ჩეხეთის წარმომადგენლების ვიზიტის დროს 55 ფრთოსანი რაკეტა. თუმცა, რაც არ უნდა იფიქრონ მოსკოვში, უკრაინა საკუთარ თავზე ზრუნავს და თავის საქმეს აკეთებს“, - აღნიშნა ზელენსკიმ.

შეგახსენებთ, გუშინ უკრაინას ჩეხეთის მთავრობის დელეგაცია ეწვია, რომელსაც ქვეყნის პრემიერი, პეტრ ფიალა ხელმძღვანელობდა. გუშინვე, რუსულმა ძალებმა უკრაინის ტერიტორიაზე კიდევ ერთი მასიური სარაკეტო თავდასხმა განახორციელეს.