ფინეთის პრემიერ-მინისტრი სანა მარინი უნგრეთსა და თურქეთს მოუწოდებს, ფინეთისა და შვედეთის ნატო-ში გაწევრიანებას მხარი რაც შეიძელბა მალე დაუჭირონ.

ის უნგრეთისა და თურქეთის პარლამენტებს მოუწოდებს ნატო-ში გაწევრიანების შესახებ აღნიშნული ქვეყნების განცხადებების რატიფიკაცია დროულად მოახდინონ, რადგან ახლა ჩრდილო-ატლანტიკური ალიანსის, შვედეთისა და ფინეთის ყურადღება ამ ორი ქვეყნისკენაა მოპყრობილი.

ფინეთმა და შვედეთმა ნატო-ში გაწევრიანების შესახებ განაცხადი მიმდინარე წლის მაისში რუსეთის უკრაინაზე თავდასხმის შემდეგ გააკეთეს. ალიანსში მიღებამდე ნატო-ს თითოეული წვერი ქვეყნის პარლამენტმა შვედეთისა და ფინეთის გაწევრიანებას მხარი უნდა დაუჭიროს.