კორუმპირებული ძალები და რუსეთის სპეცსამსახურები მოლდოვის დესტაბილიზაციას ისახავენ მიზნად. ამის შესახებ მოლდოვის პრეზიდენტმა მაია სანდუმ რუმინულ გამოცემა Digi24-თან ინტერვიუში განაცხადა.
მისი თქმით, პოლიტიკური პარტიები, რომლებმაც ცოტა ხნის წინ პროტესტი დაიწყეს, რუსულ სპეცსამსახურებთან ერთად მოლდოვაში ვითარების არევაზე მუშაობენ.
სანდუმ აღნიშნა, რომ მოლდოვის პოლიტიკურ ცხოვრებაში რუსული ჩარევის მცდელობები ახალი მოვლენა არაა და განაცხადა, რომ პრორუსული პოლიტიკური ძალების უკანასკნელი პროტესტის უკან ასევე რუსული სპეცსამსახურები დგანან.
“ჩვენ გვაქვს მტკიცებულებები, რომ კორუმპირებული ჯგუფების კოალიციას, რომლებმაც მოლდოვაში ბევრი ფული მოიპარეს, და რუსეთის სპეცსამსახურები, პრორუსული პარტიები მოლდოვაში, ყველას საერთო მიზანი აქვს - მოლდოვის დესტაბილიზება. ისინი მათ სასარგებლოდ იყენებენ სირთულეებს, რომლებიც მოქალაქეებს შეეხო. ჩვენ მტკიცედ ვართ განწყობილი დავიცვათ დემოკრატია”, - თქვა სანდუმ.