ჩრდილოეთ კორეამ დღეს მინიმუმ 10 ბალისტიკური რაკეტა გაუშვა, - ინფორმაციას მედია საშუალებები განაცხადა სამხრეთ კორეის სამხედრო უწყების წარმომადგენელზე დაყრდნობით ავრცელებენ.
მათივე ინფორმაციით, რაკეტების გაშვების გამო სამხრეთ კორეის კუნძულ ულეუნგზე საჰაერო თავდასხმის მაუწყებელი განგაში გამოცხადდა. სამხრეთ კორეის ხელისუფლებაში აცხადებენ, რომ ერთ-ერთი რაკეტა ქვეყნის სანაპირო ზოლიდან აღმოსავლეთით სულ რაღაც 57 კილომეტრში ჩამოვარდა.
„ჩრდილოეთ კორეის რაკეტის გაშვება ძალიან უჩვეულო და მიუღებელია, რადგან ის პირველად დაეცა სამხრეთ კორეის ტერიტორიულ წყლებთან ახლოს „ჩრდილოეთის ლიმიტის ხაზის“ სამხრეთით“, - განაცხადა სამხრეთ კორეის გაერთიანებული შტაბის ოპერაციების დირექტორმა, კანგ შინ-ჩულმა.
აღსანიშნავია, რომ რაკეტების გაშვებამდე რამდენიმე საათის ადრე ფხენიანმა ვაშინგტონსა და სეულს რეგიონში მიმდინარე ერთობლივი სამხედრო წვრთნების შეწყვეტა მოსთხოვა.