მიხეილ სარჯველაძე პარლამენტის შესაძლო დატოვების შესახებ ვაშაძის განცხადებაზე - ძალები, რომლებიც დესტრუქციული როლის თამაშს აპირებენ, საჭიროებს მხილებას

ძალები, რომლებიც დესტრუქციული როლის თამაშს აპირებენ, საჭიროებს მხილებას - ვაშაძე ღიად საუბრობს, რომ პარლამენტიდან უნდა გასვლა, რადგან ვერ ხედავს საკუთარ როლს დემოკრატიაში. არადემოკრატიულია ხედვა, რომ ოპოზიცია ებუტებოდეს პროცესს, რადგან არ არის გადაწყვეტილების მიმღები, - ამის შესახებ ჟურნალისტებთან ადამიანის უფლებათა კომიტეტის თავმჯდომარე მიხეილ სარჯველაძემ განაცხადა.

სარჯველაძე გამოეხმაურა „ხალხის ძალის“ განცხადებას, რომ ე.წ. ლიბერალების წარმოებული აგრესიული კამპანია უნდა ამხილონ და აღნიშნა, რომ ამაზე საუბარი აუცილებელია. სარჯველაძე აცხადებს, რომ გარკვეულ ძალებს საქართველოში დესტრუქციული დღის წესრიგი აქვთ და ამის მაგალითად გიორგი ვაშაძის განცხადება მოჰყავს, სადაც პარლამენტის დატოვებაზე საუბრობს.

„ანტისახელმწიფოებრივი გეგმებზე საუბარი გაცილებით იოლი შეიძლება იყოს საზოგადოებასთან. ამ შემთხვევაში, შეიძლება ცოტა განსხვავებული იყოს ფორმატი და შინაარსი ამ დისკუსიისა. ამ თემებზე საუბარი და ფიქრი რომ აუცილებელია, ეს შემიძლია ერთმნიშვნელოვნად დავადასტურო. ძალები, რომლებიც დესტრუქციული როლის თამაშს აპირებენ, საჭიროებს მხილებას. ამ შემთხვევაში არა ლიბერალური დამოკიდებულება შეიძლება იყოს ინტერესის საგანი, არამედ გეგმები, რომელიც უკავშირდება დესტრუქციული დღის წესრიგის განხორციელებას საქართველოში. ვის აქვს ასეთი გეგმები? - ქართულ პოლიტიკაში ახალი ამბავი არ არის, რომ არიან პოლიტიკური ძალები, ვინც იმთავითვე განწყობილები არიან, რომ ვიდრე ხელისუფლებაში არ არიან, ყოველგვარი დესტრუქციული ხერხი გამოიყენონ, რომ მიაღწიონ ხელისუფლებაში მოსვლას. მათთვის წარმოუდგენელია დემოკრატიული პროცესი, თუ ისინი ხელისუფლებაში არ არიან. ამის დასტურად შემიძლია მოგიყვანოთ ბოლო დროინდელი ქცევა და განცხადებები ვაშაძის, რომელიც ღიად საუბრობს, რომ პარლამენტიდან უნდა გასვლა, რადგან ვერ ხედავს საკუთარ როლს და ფუნქციას დემოკრატიაში, თუ ის არ არის გადაწყვეტილების მიმღები. ეს არადემოკრატიული ხედვაა, რომ ოპოზიცია ებუტებოდეს პროცესს, თუ ის არ არის გადაწყვეტილების მიმღები. ასე არ მუშაობს დემოკრატია. პოლიტიკა გულისხმობს საჯარო დისკუსიას საზოგადოებისთვის ყველაზე მნიშვნელოვან საკითხებზე. ეს გულისხმობს, თუ როგორი უნდა იყოს პარლამენტში საქმიანობა, რამდენად ინკლუზიური. „სტრატეგია აღმაშენებელი“ იყო ის ხალხი, ვინც ჩემი აზრით, ფატალური შეცდომა დაუშვა, როცა გაემიჯნა ერთობლივ მუშაობას, როცა ევროკომისიის რეკომენდაცია გულისხმობდა დეპოლარიზაციას, ანუ ერთობლივ მუშაობას, რაც ხელისუდლებამ შესთავაზა და ამაზე პრინციპულად უარი თქვეს, ეს იყო შეცდომა. გარკვეულმა ნაწილმა ამ შეცდომის ავტორებისა, ეს შემდეგ აღიარა და პოზიცია შეცვალა, ეს რა თქმა უნდა, სწორია, მაგრამ არიან ადამიანები, ვინც ამ შეცდომით აღფრთოვანდნენ და ამ გზით სვლა განაგრძეს,“ - განაცხადა სარჯველაძემ.

ცნობისათვის, " პალიტრანიუსის" გადაცემა "თავისუფალ სტუდიაში" "სტრატეგია აღმაშენებლის" თავმჯდომარე გიორგი ვაშაძემ აღნიშნა, რომ მისი პარტია მზად არის პარლამენტი დატოვოს. "მთავარია ეს არ იყოს ნაადრევი, თუმცა ეს მოხდება, როდესაც ის მოცემულობა დადგება, რომ საზოგადოება შეთანხმდება იმაში, რომ „ქართული ოცნებიდან“ არაფერი გამოვა, რომ ის არის პრორუსული ძალა, რომ კანდიდატის სტატუსი მათთან ერთად არ იქნება. ეს მოცემულობა რომ შედგება, ჩვენი ნაბიჯიც ამის პარალელურად იქნება“, - განაცხადა გიორგი ვაშაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე