გაერო-ს უშიშროების საბჭო რუსეთის უსაფუძვლო ბრალდებების გამოსაძიებლად კომისიის შექმნის მიზნით, დღეს რეზოლუციას უყრის კენჭს

გაერო-ს უშიშროების საბჭო რუსეთის უსაფუძვლო ბრალდებების გამოსაძიებლად კომისიის შექმნის მიზნით, დღეს რეზოლუციას უყრის კენჭს. ამის შესახებ ინფორმაციას საინფორმაციო სააგენტო Associated Press ავრცელებს.

მათივე ცნობით, საუბარია ოფიციალური მოსკოვის ბრალდებებზე, რომ უკრაინა და ამერიკის შეერთებული შტატები „სამხედრო ბიოლოგიურ“ აქტივობას ახორციელებენ, რაც ბიოლოგიური იარაღის გამოყენების აკრძალვასთან დაკავშირებით კონვენციას არღვევს.

როგორც მედიასაშუალება წერს, გასულ კვირას რუსეთმა 310-გვერდიანი დოკუმენტი გაუგზავნა გაერო-ს უშიშროების საბჭოს წევრებს, სადაც აღნიშნავდა, რომ ეს ბიოლოგიური აქტივობა უკრაინაში აშშ-ის თავდაცვის დეპარტამენტის მხარდაჭერით მიმდინარეობს. დოკუმენტი მოიცავდა უშიშროების საბჭოში ოფიციალურ საჩივარს. გაერო-ს აღნიშნულ ორგანოს რუსეთის ბრალდებების გამოსაძიებლად, უფლება აქვს შექმნას კომისია, რომელიც საბჭოს 15 წევრისაგან შედგება.

ცნობისთვის, რუსეთმა უკრაინაში საიდუმლო ამერიკული ბიოლოგიური ომის ლაბორატორიების შესახებ ბრალდება, ქვეყანაში შეჭრიდან მალევე გააჟღერა.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
PSP განცხადებას ავრცელებს