გაერო-ს განცხადებით, მარცვლეულით დატვირთული გემების უკრაინიდან მოძრაობა დღეს არ იგეგმება და ის ხუთშაბათს განახლდება. ინფორმაციას „ტვიტერის“ საკუთარ გვერდზე მარცვლეულის შეთანხმებაზე გაერო-ს კოორდინატორი, ამირ აბდულა ავრცელებს.

მისივე თქმით, უკრაინიდან მარცვლეულისა და საკვები პროდუქტების ექსპორტი უნდა გაგრძელდეს.

„მიუხედავად იმისა, რომ 2 ნოემბერს, შავი ზღვის მარცვლეულის ინიციატივის ფარგლებში, გემების მოძრაობა არ იგეგმება, მოლოდინი გვაქვს, რომ დატვირთული გემები ხუთშაბათს გაემგზავრებიან“, - აღნიშნა გაერო-ს კოორდინატორმა, ამირ აბდულამ.