გედევან ფოფხაძე - ჩვენ უნდა ვიბრძოლოთ ნიკა გვარამიას თავისუფლებისთვის - ყველას გთხოვთ, მიზანმიმართულად დავარღვიოთ ადმინისტრაციული კოდექსი და სასამართლოს ეზოში გავმართოთ მიტინგი

პოლიტიკოსი გედევან ფოფხაძე "მთავარი არხის" გენერალური დირექტორის, ნიკა გვარამიას საქმეზე განაჩენის გამოცხადების შემდეგ, სააპელაციო სასამართლოს ეზოში აქციის გამართვის მოწოდებით გამოვიდა. მისივე განცხადებით, მოსამართლეებმა გვარამიას პატიმრობაში დატოვებით სისხლისსამართლებრივი დანაშაული ჩაიდინეს.

"ჩვენ უნდა გავერთიანდეთ და ვიბრძოლოთ ნიკა გვარამიას და საქართველოს თავისუფლებისთვის. ყველას გთხოვთ, სასამართლოს ეზოში მიზანმიმართულად დავარღვიოთ ადმინისტრაციული კოდექსი და გავმართოთ მიტინგი, პროტესტის ნიშნად, ვიდრე ისინი არ აღკვეთენ ამ მიტინგს. არ გვაქვს მორალური უფლება დღეს პროტესტის გარეშე წავიდეთ და სახლში ჩვენს ემოციებთან დავრჩეთ. სათქმელი უნდა ითქვას დღეს ამ ეზოში და არა სხვაგან," - განაცხადა გედევან ფოფხაძემ.

ამ მოწოდების შემდეგ სხვადასხვა ოპოზიციური პარტიების ლიდერებმა მოსამართლეების გადაწყვეტილების შესახებ მედიასთან განცხადებები გააკეთეს. სასამართლოს ეზოში კვლავ რჩებიან პოლიტიკოსები, ნიკა გვარამიას ახლობლები, ოჯახის წევრები.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი