საბერძნეთის პრეზიდენტი კატერინა საკელაროპულუ და ეროვნული თავდაცვის მინისტრი, ნიკოს პანაგიოტოპულოსი კიევში ჩავიდნენ, - ინფორმაციას უკრაინული მედია ავრცელებს.

მათივე ცნობით, მოსალოდნელია, რომ ისინი მოლაპარაკებებს გამართავენ უკრაინის პრეზიდენტ ვოლოდიმირ ზელენსკისთან და თავდაცვის მინისტრ ოლექსი რეზნიკოვთან.

საბერძნეთის პრეზიდენტის ვიზიტი თავდაპირველად ოქტომბრის შუა რიცხვებისთვის იყო დაგეგმილი, თუმცა გადაიდო. ვიზიტი, უსაფრთხოების მიზნით, წინასწარ არ გამოცხადებულა.