„დიდი შვიდეულის“ საგარეო საქმეთა მინისტრები - რუსეთის უპასუხისმგებლო ბირთვული რიტორიკა მიუღებელია - უარვყოფთ ცრუ განცხადებებს, რომ უკრაინა „ბინძურ ბომბს“ ამზადებს

„დიდი შვიდეულის“ ქვეყნების საგარეო საქმეთა მინისტრებმა უარყვეს რუსეთის ბრალდებები, თითქოს უკრაინა ე.წ „ბინძურ ბომბს“ ამზადებდა და რუსეთს ბირთვული რიტორიკის შეწყვეტისკენ მოუწოდეს. ამის შესახებ გერმანიის ქალაქ მუნსტერში გამართული შეხვედრის შემდეგ გაკეთებულ ერთობლივ განცხადებაშია ნათქვამი.

„რუსეთის უპასუხისმგებლო ბირთვული რიტორიკა მიუღებელია. რუსეთის მიერ ქიმიური, ბიოლოგიური ან ბირთვული იარაღის ნებისმიერი გამოყენება სერიოზულ შედეგებს გამოიწვევს. ჩვენ ასევე უარვყოფთ რუსეთის ცრუ განცხადებებს, რომ უკრაინა ამზადებს რადიოლოგიურ ბინძურ ბომბს", - ნათქვამია განცხადებაში.

მასში ასევე მითითებულია, რომ ატომური ენერგიის საერთაშორისო სააგენტოს შემოწმებებმა დაადასტურა, რომ ეს ბრალდებები უსაფუძვლოა.

„ჩვენ ასევე ვგმობთ რუსეთის მიერ უკრაინული ზაპოროჟიეს ატომური ელექტროსადგურის მუდმივ მილიტარიზაციას, უკრაინელი პერსონალის გატაცებას და არასათანადო მოპყრობას. ასევე, სადგურის მუშაობის მიზანმიმართულ დესტაბილიზაციას. ჩვენ მხარს ვუჭერთ ატომური ენერგიის საერთაშორისო სააგენტოს ძალისხმევას უსაფრთხოებისა და დაცვის ზონის შესაქმნელად“, - განაცხადეს მინისტრებმა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო