გიული ალასანია - იმედი მაქვს, რომ რაღაც საშუალებას მისცემენ ჩემს შვილს, რომ ბოლოს და ბოლოს თავის ჯანმრთელობას მიხედოს და გადარჩეს

საქართველოს ყოფილი პრეზიდენტის, მიხეილ სააკაშვილის დედის, გიული ალასანიას განცხადებით, ფინიშის ხაზს მიუახლოვდნენ და ბოლოს და ბოლოს სააკაშვილის ჯანმრთელობის შესახებ დასკვნა დაიდება.

„ბოლოს და ბოლოს ამ ფინიშის ხაზს მივუახლოვდით და იმედია, ეს დასკვნა დაიდება, კარგი არაფერია ამ დიაგნოზებში, მაგრამ რაღაც გზას დავადგებით ბოლოს და ბოლოს. იმედი მაქვს, რომ გაითვალისწინებს ის ხალხი, ვისაც ეკუთვნის, რომ ეს გაითვალისწინოს და რაღაც საშუალებას მისცემენ ჩემ შვილს, რომ ბოლოს და ბოლოს თავის ჯანმრთელობას მიხედოს და გადარჩეს...

იმედი მაქვს, რომ ჩატარდება ის პროცესი, რომელსაც ამდენი ხანია ველოდებით და ალბათ, მიშას შესახებ ლოგიკურ დასკვნას მიიღებენ“, - განაცხადა ალასანიამ.

ის ასევე გამოეხმაურა პოლონეთის სეიმის თავმჯდომარის მოადგილის, მალგოჟატა გოშევსკას კლინიკა „ვივამედში“ მისვლას.

„ძალიან კარგია, რომ მალგოჟატამ გაგვახსენა მისი დამსახურება საქართველოს წინაშე და მას კიდევ ერთხელ მინდა მადლობა ვუთხრა, ყველაფრისთვის, რაც მან ჩვენთვის იმ რთულ წლებში გააკეთა. პოლონეთს და საქართველოს საუკუნოვანი მეგობრობა აკავშირებს, ეს ძალიან ძველი ამბავია“, - განაცხადა ალასანიამ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა