ეგვიპტეში გაეროს კლიმატის ცვლილების სამიტი გაიხსნა. წლევანდელი კონფერენციის მესიჯია, რომ ჩვენი პლანეტა „უბედურების სიგნალს აგზავნის“.

კურორტ შარმ ელ-შეიხში მიმდინარე სამიტში, რომელიც ცნობილია, როგორც COP27 მონაწილეობას მსოფლიოს 120-ზე მეტი ლიდერი იღებს.

COP27-ის პრეზიდენტმა, ეგვიპტის საგარეო საქმეთა მინისტრმა მოუწოდა ლიდერებს, სასურსათო და ენერგეტიკულმა კრიზისებმა, რომლებიც დაკავშირებულია უკრაინაში რუსეთის შეჭრასთან, კლიმატის ცვლილებასთან დაკავშირებით მოქმედების შეფერხება, არ დაუშვან.

7 ნოემბერს COP27 მსოფლიო ლიდერების სამიტით დაიწყება, როდესაც სახელმწიფოთა და მთავრობის ლიდერები ხუთწუთიან მიმართვას გააკეთებენ.

შარშან გლაზგოში გამართულ სამიტზე შეთანხმდნენ რამდენიმე პირობაზე მოხდა შეთანხმეა, მათ შორის არის ნახშირის - ერთ-ერთი ყველაზე დამაბინძურებელი წიაღისეული საწვავის მოხმარების „შემცირება“, 2030 წლისთვის ტყეების გაჩეხვის შეჩერება; 2030 წლისთვის მეთანის ემისიების 30%-ით შემცირება; გაეროს ახალი კლიმატის სამოქმედო გეგმების წარდგენა და ა.შ.