რუსეთის პრეზიდენტი, ვლადიმერ პუტინი მომავალ კვირას დაგეგმილ „დიდი ოცეულის“ ლიდერების სამიტს დაესწრება, თუკი ეს შესაძლებელი იქნება, - ამის შესახებ ინდონეზიის პრეზიდენტმა და შეხვედრის მასპინძელმა, ჯოკო ვიდოდომ განაცხადა.

მისივე თქმით პუტინი შეხვედრას, შესაძლოა, ვირტუალურ რეჟიმში დაესწროს.

„დაესწრება, თუ შესაძლებელი იქნება, მაგრამ თუ არა, შესაძლოა, მან ამის გაკეთება ვირტუალურად მოითხოვოს“, - აღნიშნა ინდონეზიის პრეზიდენტმა.

გუშინ, კრემლის პრესსპიკერმა, დიმიტრი პესკოვმა განაცხადა, რომ პუტინი კვირის ბოლომდე გადაწყვეტს, დაესწრება თუ არა სამიტს. რამდენიმე დღის წინ უკრაინის პრეზიდენტმა, ვოლოდიმირ ზელენსკიმ განაცხადა, რომ არ მიიღებს მონაწილეობას „დიდი ოცეულის“ შეხვედრაში, თუ მას პუტინი დაესწრება.