უკრაინის მთავრობა სამინისტროების რაოდენობის 20-დან 14-მდე შემცირებას გეგმავს

კრაინის მთავრობა სამინისტროების რაოდენობის 20-დან 14-მდე შემცირებას გეგმავს. ასევე იგეგმება თანამშრომლების რაოდენობის მკვეთრად შემცირება. ინფორმაციას უკრაინული მედია ავრცელებს.

მათივე ცნობით, მინისტრთა კაბინეტის რეორგანიზაციის მიზნით, უკრაინის პრეზიდენტმა ვოლოდიმირ ზელენსკიმ ოთხშაბათს შეხვედრა გამართა ქვეყნის პრემიერ-მინისტრ დენის შმიგალთან და მთავრობის სხვა წარმომადგენლებთან.

როგორც მედია წერს, უკრაინის მუნიციპალიტეტებისა და ტერიტორიების განვითარების სამინისტრო, ინფრასტრუქტურის სამინისტრო და დროებით ოკუპირებული ტერიტორიების რეინტეგრაციის სამთავრობო ოფისი ინფრასტრუქტურისა და ტერიტორიების განვითარების სამინისტროში გაერთიანდება.

ამასთან, ევროპული და ევრო-ატლანტიკური ინტეგრაციის ფუნქცია კულტურისა და საინფორმაციო პოლიტიკის სამინისტროს დაემატება და მას ევროპული ინტეგრაციის, კულტურისა და საინფორმაციო პოლიტიკის სამინისტრო დაერქმევა.

ეკონომიკის სამინისტრო, სტრატეგიული მრეწველობის სამინისტროს ნაწილი და აგრარული პოლიტიკისა და სურსათის სამინისტრო, ეკონომიკური განვითარების სამინისტროში გაერთიანდებიან.

ციფრული ტრანსფორმაციის სამინისტრო, უკრაინის საჯარო სამსახურის ეროვნული სააგენტო და სტრატეგიული მრეწველობის სამინისტროს ნაწილი ციფრული ტრანსფორმაციის სამინისტროში გაერთიანდება.

ეკოლოგიის სამინისტრო კი დასახელებას შეიცვლის და მას ეკოლოგიისა და ბუნებრივი რესურესბის სამინისტრო დაერქმევა.

უცვლელი სახით დარჩებიან შემდეგი უწყებები: ენერგეტიკის სამინისტრო, საგარეო საქმეთა სამინისტრო, ფინანსთა სამინისტრო, იუსტიციის სამინისტრო, შინაგან საქმეთა სამინისტრო, თავდაცვის სამინისტრო, განათლებისა და მეცნიერების სამინისტრო და ჯანდაცვის სამინისტრო.

სამინისტროების ცენტრალურ უწყებებში - 9200-დან 2800-მდე შემცირდება თანამშრომლების რაოდენობა. იგეგმება სამინისტროების ტერიტორიულ ორგანოებსა და სხვა სამთავრობო სამსახურებში თანაშრომლების შემცირებაც.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება