აშშ-ის პრეზიდენტმა ჯო ბაიდენმა ეგვიპტეში გაერო-ს კლიმატის ცვლილების სამიტზე სიტყვით გამოსვლისას განაცხადა, რომ გლობალური კლიმატური კრიზისი საფრთხეს უქმნის მთელი პლანეტის არსებობას.

მისი თქმით, აშშ კლიმატურ ცვლილებებთან საბრძოლველად ნაკისრ ვალდებულებას, რომელიც 2030 წლისთვის გამონაბოლქვის შემცირებას გულისხმობს, დროულად შეასრულებს.

აშშ-ის პრეზიდენტმა ასევე აღნიშნა, რომ მსოფლიოში მიმდინარე მნიშვნელოვანი პროცესების მიუხედავად მსოფლიოს ლიდერებმა კლიმატის ცვლილებას სათანადო ყურადღება უნდა დაუთმონ და ნაკისრი ვალდებულებები შეასრულონ.