რუსეთის საგარეო უწყება მარცვლეულის შეთანხმების 120 დღით გახანგრძლივებას ადასტურებს

რუსეთის საგარეო საქმეთა სამინისტრო ადასტურებს, რომ შავი ზღვის პორტების საშუალებით უკრაინიდან მარცვლეულის ექსპორტის შეთანხმება 120 დღით გახანგრძლივდა.

უწყების განცხადებით, რუსეთი ვარაუდობს, რომ მისი შეშფოთება, რომელიც დაკავშირებულია საკუთარი მარცვლეულისა და სასუქის ექსპორტის გამარტივებასთან დაკავშირებით, უახლოეს პერიოდში სრულად იქნება გათვალისწინებული.

შეგახსენებთ, მანამდე, უკრაინის ინფრასტრუქტურის მინისტრმა, ალექსანდრ კუბრაკოვმა განაცხადა, რომ მარცვლეულის ექსპორტის ინიციატივა 120 დღით გახანგრძლივდება. ინფორმაცია დაადასტურა თურქეთის პრეზიდენტმა, რეჯეფ თაიფ ერდოღანმაც.

„გაერო-ს, თურქეთის, რუსეთისა და უკრაინის მიერ მიღებული გადაწყვეტილების შემდეგ, შავი ზღვის დერეფნის შესახებ შეთანხმება 2022 წლის 19 ნოემბრიდან 120 დღით გაგრძელდება“, - დაწერა თურქეთის ლიდერმა „ტვიტერზე“.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს