პაპმა ფრანცისკემ უკრაინაში მიმდინარე ომი 1930-იანი წლების „საშინელ გენოციდს“ შეადარა, როდესაც საბჭოთა ლიდერმა, იოსებ სტალინმა უკრაინელი ხალხი შიმშილობის პირას მიიყვანა.

კათოლიკური ეკლესიის მეთაურმა განცხადება ვატიკანში, წმინდა პეტრეს მოედანზე გააკეთა, სადაც ათასობით ადამიანი იყო შეკრებილი.

"ამ შაბათს აღინიშნება ჰოლოდომორის საშინელი გენოციდის წლისთავი, რომელიც 1932-1933 წლებში სტალინის მიერ ხელოვნურად იყო გამოწვეული. ვილოცოთ ამ გენოციდის მსხვერპლთათვის და ვილოცოთ ამდენი უკრაინელისთვის - ბავშვებისთვის, ქალებისთვის, ასაკოვნებისთვის, რომლებიც დღეს აგრესიის მოწამეობისგან იტანჯებიან“, - დასძინა პონტიფიკოსმა.