უკრაინელმა პოლიტიკოსებმა კანონპროექტი წარადგინეს, რომელიც უკრაინის ტერიტორიაზე რუსეთის მართლმადიდებელი ეკლესიის საქმიანობის აკრძალვას გულისხმობს.
ამასთან, კანონპროექტი ნებისმიერი რელიგიური ორგანიზაციის სრულ აკრძალვას მოიცავს, რომელიც რუსეთის მართლმადიდებელი ეკლესიის მხარდამჭერია.
უკრაინის უმაღლესი რადას დეპუტატის, ირინა ფრიზის განცხადებით, კანონპროექტის მიზანია "უკრაინის ეროვნული უსაფრთხოებისთვის წინაშე მდგარი საფრთხეების აღკვეთა და წესრიგის უზრუნველყოფა, რადგან დიდი ხანია რუსეთის მართლმადიდებელი ეკლესია აშკარა ანტიუკრაინულ და დივერსიულ აქტივობებს ახორციელებს და მხარს უჭერს კრიმინალური რუსული რეჟიმის ყველა ქმედებას".
შეგახსენებთ, უკრაინაში რუსული სპეცსამსახურების დივერსიული საქმიანობის წინააღმდეგ ოპერაციების ფარგლებში, უკრაინის უსაფრთხოების სამსახურმა და პოლიციამ გუშინ დილით კიევ-პეჩერის ლავრაში რეიდი მოაწყვეს.