ნატალია ვუტოვა - საქართველოს სისხლის სამართლის კოდექსი და სისხლის სამართლის საპროცესო კოდექსი შესწორებას საჭიროებს იმისთვის, რომ ევროპის საბჭოს ყველა სტანდარტი ამ კანონმდებლობის ნაწილი იყოს

ეს კონფერენცია ორგანიზებულია ევროპის საბჭოს და ევროკავშირის მიერ, რომ დავრწმუნდეთ, საქართველოში სისხლის სამართლის მართლმსაჯულების რეფორმა გრძელდება და განვიხილავთ გზებს, თუ როგორ უნდა მოხდეს შემდგომი მხარდაჭერა, - ამის შესახებ ევროპის საბჭოს საქართველოს ოფისის ხელმძღვანელმა, ნატალია ვუტოვამ სასტუმრო „პულმანში“ განაცხადა, სადაც ევროპის საბჭოსა და ევროკავშირის ორგანიზებით მიმდინარეობს კონფერენციაზე თემაზე: „სისხლის სამართლის მართლმსაჯულების სამართლებრივი ჩარჩო. მიმდინარე რეფორმა და საკითხები შემდგომი გაუმჯობესებისთვის".

„საქართველო არის ევროპის საბჭოს წევრი 1999 წლიდან და იმ დროიდან მოყოლებული ჩვენ გვაქვს ძალიან კარგი ურთიერთობა საქართველოს მთავრობასთან სისხლის სამართლის მართლმსაჯულების რეფორმის წარმატებით განხორციელების კუთხით. ასევე მნიშვნელოვანია, რომ საქართველომ შეასრულოს ადამიანის უფლებათა ევროპული სასამართლოს გადაწყვეტილებები. ახლა სისხლის სამართლის კოდექსი და სისხლის სამართლის საპროცესო კოდექსი შემდგომ შესწორებას საჭიროებს იმისთვის, რათა დავრწმუნდეთ, რომ ევროპის საბჭოს ყველა სტანდარტი არის ამ კანონმდებლობის ნაწილი“, - აღნიშნა ნატალია ვუტოვამ.