მტკიცედ ვგმობთ რუსეთის განახლებულ კრიმინალურ თავდასხმებს უკრაინაში მშვიდობიანი მოსახლეობის და კრიტიკული ინფრასტრუქტურის წინააღმდეგ, - ამის შესახებ ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ჯოზეფ ბორელი „ტვიტერზე“ წერს.
„მასიური ჩაბნელება, ასევე მოლდოვაში. ზამთარში მილიონობით ადამიანისთვის ელექტროენერგიის, წყლისა და გათბობის წართმევა სასტიკი და არაადამიანური ქმედებაა. ევროკავშირის მხარდაჭერა უკრაინისა და მოლდოვასადმი უცვლელად გრძელდება“, - აცხადებს ევროკავშირის უმაღლესი წარმომადგენელი.