ნატო უკრაინის მხარდაჭერაზე უარს არ იტყვის, უკრაინის მხარდაჭერა ჩვენს უსაფრთხოების ინტერესებშია, - ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.

მისი თქმით, ხანგრძლივი მშვიდობა შეუძლებელია, თუ აგრესორი გაიმარჯვებს.

„ნატო გააგრძელებს უკრაინის მხარდაჭერას იმდენ ხანს, რამდენიც დასჭირდება. უკან არ დავიხევთ. ხანგრძლივი მშვიდობა შეუძლებელია, თუ აგრესორი გაიმარჯვებს", - განაცხადა სტოლტენბერგმა.

ამასთან, ალიანსის ხელმძღვანელმა უპასუხა შეკითხვას პოლონეთის მთავრობის გადაწყვეტილებასთან დაკავშირებით, რომელმაც გერმანიას მიმართა თხოვნით, კიევს Patriot-ის სარაკეტო სისტემები გადასცეს. მისი თქმით, კონკრეტულ სისტემებთან დაკავშირებით გადაწყვეტილებების მიღება კონკრეტულ ქვეყნებზეა დამოკიდებული.