ნიკა მელია - მიხეილ სააკაშვილის სასამართლო დარბაზში მოსვლის შემთხვევაში, ყველასთვის ნათელი იქნებოდა, რომ მისი ჯანმრთელობის მდგომარეობა ივანიშვილის ბოროტი სისტემის მიერ არის დანგრეული

დღეს მიხეილ სააკაშვილის სასამართლო დარბაზში მოსვლის შემთხვევაში, მე ვფიქრობ, ყველასთვის ხელშესახებად ნათელი იქნებოდა, რომ ადამიანის ჯანმრთელობის მდგომარეობა ივანიშვილის ბოროტი სისტემის მიერ არის დანგრეული, - ამის შესახებ "ერთიანი ნაციონალური მოძრაობის" თავმჯდომარემ, ნიკა მელიამ თბილისის საქალაქო სასამართლოსთან განაცხადა.

მისივე თქმით, ხელისუფლებამ ქვეყნის მესამე პრეზიდენტს სასამართლოში მისვლის კონსტიტუციური უფლება არ მისცა.

"ცალსახად, მიხეილ სააკაშვილის ჯანმრთელობის მდგომარეობა უმძიმესია და ხელისუფლებას არ სურს, საზოგადოება დარწმუნდეს იმაში, რაშიც დარწმუნებულია სამედიცინო საზოგადოების ყველა წარმომადგენელი, ვისაც ჰქონდა საშუალება მასთან შესვლის, იმ ადამიანების სიმართლეში დარწმუნდეს მთელი საზოგადოება, ვინც დასკვნა დაწერა, იმ პოლიტიკოსების, მათ შორის, მიხეილ სააკაშვილის მეგობრების სიტყვებში, რომლებსაც აქვთ შესაძლებლობა დროდადრო შევიდნენ და ინფორმაცია გამოიტანონ და მერე თქვენ გაგიზიარონ და თქვან ის, რასაც რეალურად ხედავენ. ამ დროს, პარალელურად, „ქართული ოცნების" პროპაგანდა ყოველთვის საპირისპიროს ადასტურებს. დღეს მიხეილ სააკაშვილის სასამართლო დარბაზში მოსვლის შემთხვევაში, მე ვფიქრობ, ყველასთვის იქნებოდა ხელშესახებად ნათელი, რომ ადამიანის ჯანმრთელობის მდგომარეობა ივანიშვილის ბოროტი სისტემის მიერ არის დანგრეული და აქედან გამომდინარე, ხელისუფლებამ მიიღო გადაწყვეტილება არ მისცეს ლეგიტიმური, კონსტიტუციური უფლება, მოსულიყო სააკაშვილის დღეს სასამართლო დარბაზში. უახლოეს დღეებში დაცვის მხარე მიმართავს სასამართლოს სასჯელის გადავადებასთან დაკავშირებით ანუ, საზღვარგარეთ მის ტრანსპორტირებასთან დაკავშირებით და შეუძლებელია, თვალი არ გაუსწოროს რეალობას ყველაზე ბოროტმა სისტემამ. თუ უგულებელყოფს რეალობას, უმძიმეს რეალობას სასამართლო, იგივე აღმასრულებელი ხელისუფლება, იგივე არაფორმალური მმართველობა, ვერაფერი ძველებურად ვეღარ გაგრძელდება", - განაცხადა ნიკა მელიამ.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება