პარლამენტისთვის სახელმწიფო უსაფრთხოების სამსახურის საქმიანობის ამსახველი ანგარიშის წარდგენა მხოლოდ სამსახურის უფროსს შეეძლება
პარლამენტისთვის სახელმწიფო უსაფრთხოების სამსახურის საქმიანობის ამსახველი ანგარიშის წარდგენა მხოლოდ სამსახურის უფროსს შეეძლება.
შესაბამისი საკანონმდებლო ცვლილებები პარლამენტის ბიუროს სხდომაზე დაინფიცირდა, რომელიც დეპუტატებმა ირაკლი ქადაგიშვილმა და ირაკლი შატაკიშვილმა მოამზადეს.
“სახელმწიფო უსაფრთხოების სამსახურის შესახებ“ კანონის თანახმად, პარლამენტს, წელიწადში ერთხელ, არაუგვიანეს 15 აპრილისა, ანგარიშს წარუდგენს სამსახურის უფროსი ან მისი მოადგილე.
ცვლილებებით, კანონიდან სახელმწიფო უსაფრთხოების სამსახურის უფროსის მოადგილის მითითების ამოღება ხდება.
“ცვლილებების მიღება ევროკომისიის რეკომენდაციებს უკავშირდება, რომელიც საპარლამენტო კონტროლის გაძლიერებას გულისხმობს“, - აღინიშნა ბიუროს სხდომაზე.
