ნატო-ს გენერალური მდივნის, იენს სტოლტენბერგის განცხადებით, რუსეთი, სავარაუდოდ, უკრაინის ენერგეტიკულ ინფრასტრუქტურაზე შეტევას გააგრძელებს. ამის შესახებ სტოლტენბერგმა ბუქარესტში გამართულ პრესკონფერენციაზე განაცხადა.

მისივე თქმით, ამის გაკეთება, მაშინ, როცა ზამთარი დგება, აჩვენებს, რომ რუსეთის პრეზიდენტი ვლადიმერ პუტინი ახლა ცდილობს, უკრაინის წინააღმდეგ, ზამთარი, როგორც ომის იარაღი, ისე გამოიყენოს.

შეგახსენებთ, უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთი ახალ თავდასხმებს გეგმავს მისი ქვეყნის წინააღმდეგ.