ადვოკატი - დღეს ან ხვალ სასამართლოს მივმართავთ და მოვითხოვთ სააკაშვილის სასჯელისგან გათავისუფლებას - სამედიცინო დასკვნაში ჩამოთვლილია ის მძიმე დაავადებები, რომელიც სასჯელისგან გათავისუფლებას ითვალისწინებს

საქართველოს მესამე პრეზიდენტის ადვოკატის, შალვა ხაჭაპურიძის განცხადებით, მიხეილ სააკაშვილის უფლებადამცველები დღეს ან ხვალ, სასამართლოს, ექსპრეზიდენტის სასჯელისგან გათავისუფლების და სასჯელის გადავადების შუამდგომლობებით მიმართავს.

მისივე თქმით, უფლებადამცველები სააკაშვილის სასჯელისგან გათავისუფლებას იმიტომ მოითხოვენ, რომ მის სამედიცინო დასკვნაში არის რამდენიმე ისეთი მძიმე დაავადება, რომელიც ჯანდაცვის მინისტრის შესაბამისი ბრძანებით, სასჯელისგან გათავისუფლებას ითვალისწინებს.

შალვა ხაჭაპურიძე სასამართლო პროცესის მიმდინარეობისას, ყოფილი პრეზიდენტის სამედიცინო ექსპერტიზის დასკვნის ნაწილობრივ, ან სრულად გასაჯაროებას არ გამორიცხავს.

„შუამდგომლობა გამზადდება. დღეს, ან მაქსიმუმ ხვალ სასამართლოს მივმართავთ. გავეცანით დასკვნას და ჩვენ მოვითხოვთ სააკაშვილის სასჯელისგან გათავისუფლებას, იმიტომ, რომ სამედიცინო დასკვნაში არის ჩამოთვლილი ის მძიმე დაავადებები, რომელიც ჯანდაცვის მინისტრის შესაბამისი ბრძანებით, სასჯელისგან გათავისუფლებას ითვალისწინებს. ასეთი დაახლოებით, სამი დაავადებაა. ორივე შუამდგომლობა იქნება მითითებული. ამის პრაქტიკა არსებობს,“ - განაცხადა ხაჭაპურიძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)