გაეროს მოსახლეობის ფონდის აღმასრულებელი დირექტორი - 2021 წელს 1,5 მილიონი ადამიანი დაინფიცირდა აივ ინფექციით, რაც წელიწადში არაუმეტეს 500 000 ახალ შემთხვევას გულისხმობს

გაეროს მოსახლეობის ფონდის (UNFPA) აღმასრულებელი დირექტორმა, დოქტორ ნატალია კანემის განცხადებით, 8 მილიარდი ადამიანისთვის, რომელიც დღეს ჩვენს პლანეტაზე ცხოვრობს, სექსუალურ და რეპროდუქციულ ჯანმრთელობასა და უფლებებზე თანაბარი წვდომა განსაკუთრებულ მნიშვნელობას იძენს.

გაეროს მოსახლეობის ფონდის (UNFPA) ცნობით, ნატალია კანემიმ ამის შესახებ შიდსთან ბრძოლის საერთაშორისო დღესთან დაკავშირებით განაცხადა.

როგორც კანემიმ აღნიშნა, მრავალი გლობალური კრიზისის ფონზე აივ-ზე რეაგირება უპრეცედენტო გამოწვევების წინაშე აღმოჩნდა.

„დღეს, შიდსთან ბრძოლის საერთაშორისო დღეს, ჩვენ ხელახლა უნდა ავიღოთ ვალდებულება თანასწორობის უზრუნველსაყოფად, გლობალური მასშტაბით საზოგადოებრივი ჯანმრთელობის მთავარ საფრთხესთან გასამკლავებლად. მიუხედავად იმისა, რომ მსოფლიო მოსახლეობის ზრდა ჯანდაცვის სფეროში სტაბილური წინსვლის შედეგია, მიუღებელია, რომ პროგრესით გამოწვეული სიკეთე ესოდენ არათანაბრად ნაწილდებოდეს.

შიდსის ეპიდემიის დაწყებიდან 40 წელზე მეტი ხნის შემდეგ, შეგვიძლია, ვისაუბროთ მნიშვნელოვანი მიღწევების შესახებ აივ-ის გავრცელების შეჩერებისა და მისი შედეგების შერბილების მიმართულებით. მიუხედავად ამისა, 2021 წელს 1,5 მილიონი ადამიანი დაინფიცირდა აივ ინფექციით, რაც სამჯერ აღემატება შეთანხმებულ გლობალურ სამიზნეს, რაც წელიწადში არაუმეტეს 500 000 ახალ შემთხვევას გულისხმობს.

გენდერული დისკრიმინაცია და ქალების სხეულის ავტონომიის შეზღუდვა, მათ შორის, თავის დასაცავად არჩევანის გაკეთებისას, ხსნის, თუ რატომ მოდის აივ-ის ახალი შემთხვევების 60 პროცენტზე მეტი სამხრეთ აფრიკის ქვეყნებში მცხოვრებ ქალებსა და გოგოებზე. ამ რეგიონში აივ ინფიცირებული მოზარდი გოგოებისა და ახალგაზრდა ქალების რაოდენობა სამჯერ აღემატება იმავე ასაკის აივ ინფიცირებული ბიჭებისა და კაცების რაოდენობას.

აივ-ით დაინფიცირების მაღალი რისკის მქონე ადამიანები ხშირად აწყდებიან მრავალ უთანასწორობას, რაც მათ მოწყვლადობას აღრმავებს. სწორედ ამიტომ, გაეროს მოსახლეობის ფონდი (UNFPA) მხარს უჭერს აივ-ზე ინტეგრირებულ რეაგირებას. აღნიშნული მოიცავს არსებითი მომსახურებებისა და მარაგების მიწოდებას, ასევე, მუშაობას უფრო ფართო სოციალურ კონტექსტში, დისკრიმინაციის ყველა ფორმის აღსაკვეთად და ყველა ადამიანის უფლებების რეალიზების ხელშესაწყობად.

გაეროს მოსახლეობის ფონდი (UNFPA) უერთდება საპროტესტო მოწოდებას „თანასწორობა!“ ის მხარს უჭერს სამყაროს, სადაც ყველა ადამიანს შეუძლია დაიცვას თავი და დაიცვას თავი აივ-ისა და სქესობრივი გზით გადამდები სხვა ინფექციებისგან, მათ შორის, მას, ვინც ინფიცირების ყველაზე მაღალი რისკის ქვეშ იმყოფება. ყველა ადამიანი უნდა სარგებლობდეს თავისუფლებით, უნდა გრძნობდეს თავს დაცულად და იყოს ინფორმირებული სხეულის ავტონომიის უფლების შესახებ. მათ უნდა შეეძლოთ, ისარგებლონ სექსუალური და რეპროდუქციული უფლებებით, მიუხედავად მათი გენდერული იდენტობისა, სექსუალური ორიენტაციისა, სექსუალობისა თუ სექსუალური ქცევისა.

მიუხედავად იმისა, რომ აივ-ზე რეაგირების მიმართულებით, პროგრესი შესაძლოა შეფერხდეს, ჩვენ ვფლობთ წინსვლის ინსტრუმენტებს, მათ შორის, პრევენციისა და მკურნალობის ახალ ფორმებს. ახლა ამ შესაძლებლობების გამოყენების დროა, რაც მათი საყოველთაოდ ხელმისაწვდომობის უზრუნველყოფას გულისხმობს. ამგვარად შევძლებთ, შევაჩეროთ აივ-ის შემდგომი გავრცელება და შედეგად, მივიღებთ საზოგადოებებს, სადაც ყველა თანასწორი იქნება, სადაც ყველას ჯანმრთელობა და ღირსება იქნება დაცული“, - ანაცხადა ნატალია კანემიმ.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება