სომხეთში, სოფელ ჯრაბერში ავიაკატასტროფის შედეგად დაღუპულთა ვინაობა უკვე დადგენილია. ამის შესახებ „არმენპრესი” სომხეთის საგანგებო სიტუაციების სამინისტროს პრესსპიკერზე ჰაიკ კოსტანიანზე დაყრდნობით წერს.

„ჯრაბერში ავიაკატასტროფის შედეგად დაღუპული ორი ადამიანი რუსეთის მოქალაქეა. ესენი არიან პილოტები: ა.პ. (დაბადებული 1979 წელს) და ვ.რ. (დაბადებული 1983 წელს)“ , - ნათქვამია ჩანაწერში.

1-ელ დეკემბერს, ადგილობრივი დროით 13:11 საათზე, BeechCraft 95 ტიპის კერძო თვითმფრინავთან კომუნიკაცია შეწყდა, რომელიც ერევანი-ასტრახანის მიმართულებით რეისს ასრულებდა.

ადგილობრივი დროით 14:20 საათზე ჩამოვარდნილი თვითმფრინავი კოტაიკის რაიონის სოფელ ჯრაბერთან იპოვეს.